الكتابة هي أكثر شئ بحبه، وقبل الكتابة كان عندي مخاوف كتبت عنها مخاوف الكتابة قبل الكتابة، وبعد ما بدأت أكتب بقى عندي مخاوف ثانية والقديمة لم تختفي، حاول تقرأها وكأنك بتفكر مع نفسك.

اللغة العربية

نعم اللغة العربية، دي مشكلة كبيرة جدًا بقى، عايز اكتب بالفصحى ولكنِ مش متقن جيد للنحو، انا مجرد قارئ بسيط، مجرد كاتب بسيط، وكل ما أجي أكتب حاجة أخاف تكون غلط، طبعًا عايز أتعلم أكثر، وعشان كدا قررت أكتب بالعامية لحين إتقاني للفصحى والنحو.

ماذا أكتب؟

معنديش أفكار أكتب عنها، مخي خالي من أي أفكار؟ هل أنا مقتنع بده؟ لا طبعًا ولكن التسويف ياصديقي التسويف، ومع بعض العوامل الأخرى زي الإرهاق تلاقي نفسك معندكش أفكار تكتب عنها، معندكش مواضيع، مفيش حاجة خالص!

الكمال وقيمة الأفكار

قدرت أكتب لحد هنا؟ طب حلو أوي، كل اللي فات ده ملوش لازمة، أمسح ياعم أمسح،

ده أصلًا مكتوب قبل كدا، أكيد حد كتبه قبلك، أمسحه بقولك كفاية عبط

الجمهور ولمن تكتُب

أصلًا محدش هيستفاد من اللي بكتبه ده، كله كلام فارغ زي ما قولت!

الكسوف والخجل

مش عايز حد يتريق عليا لا، معنديش طاقة أقعد أدافع عن نفسي، خليني لوحدي في محيطي الهادئ، في خيالي الواسع، بدون وجع دماغ.

اترك تعليقًا

لن يتم نشر عنوان بريدك الإلكتروني. الحقول الإلزامية مشار إليها بـ *